A estrada da Ramorta non é segura

Este é o texto íntegro que someteremos a aprobación  por parte dos membros da corporación na seguinte sesión plenaria.

Despois de escoitar as queixas e peticións de vari@s veciñ@s da zona da Ramorta e entendendo da idoneidade dos seus requerimentos, presentamos ante a corporación unha moción de petición á Deputación de Pontevedra, como propietario da estrada PO-1303 tamén coñecida como ‘estrada da Portela – Carrasqueira’, de colocación de badéns e melloras na sinalización vertical e horizontal nas zonas próximas ó nucleo poboacional que non desfrutan de beirarúas, así como nos aledaños da Casa da Música ‘Don Manuel Omil’.

Ó parecer se trata dunha promesa do Presidente da Deputación, o Sr. Louzán que quedou sen levar a cabo e dende o partido socialista de Bueu entendemos que se trata dunha actuación que redundaría na seguridade de tódol@s veciñ@s do entorno, así como n@s números@s viandantes que utilizan o citado vial para achegarse a zona deportiva-educativa, a Igrexa de San Martiño e inclusive o cemiterio.

O feito da non consecución de beirarrúas, da inexistencia dunha sinalización adecuada e a falla de badéns que obriguen a reducir a velocidade, posibilita que en numerosas ocasións tanto veciñ@s coma viandantes corran serio perigo ó transitaren polo vial provincial.

A todo isto debemos engadirlle o aumento do fluxo de peóns grazas a apertura da casa de música que multiplica os casos de perigosidade na zona.

Por todo o exposto poñemos á consideración do pleno as seguintes propostas de acordo:

-          instar á Deputación Provincial a creación de badéns na estrada PO-1303 tamén coñecida como ‘estrada da Portela – Carrasqueira’.

-          instar á Deputación Provincial a mellora na sinalización horizontal e vertical da estrada PO-1303 tamén coñecida como ‘estrada da Portela – Carrasqueira’.

JOSÉ M. CASTRO DOPAZO